Kimi no Iru Machi (anime)

اسوأ انمي  اشوفه في حياتي 🤮🤮 , فيه كثر لقطات ايتشي + البطل شخصيته خايسة + القصة سيئة وما يلها معنى ولا فائدة + انت اللي مش فاهم ايش يعني الحب والرومانسية 😇  

أولا اقترح عليك تكون اعصابك هادئة و انت بتكتب أو بتتفرج عشان تفهم المقصود من كل حاجة.

1. اللقطات الاتشى انا متفق معاك فيها و انا كمان بكره الحاجة دى فى الانمى , لكن عن تجربة شخصية , لو عندك حاجة تركز عليها أكثر من الاتشى هتتعلم انك متبصلهوش أصلا, علما ان كون القصة فيها مشاهد اتشى , و ان القصة كلها تكون عن الاتشى هما امرين مختلفين تماما.
2. البطل أنا محبتش تصرفاته فى عدة مواقف و استغربتلها و اتضايقت كمان لكن هنا الكاتب بيكتب عن شباب فى فترة المراهقة و المشاعر و التصرفات بتكون متضاربة. أى نعم فيه ناس فى فترة المراهقة مبيكونوش كده, لكن افتكر ان صوابعك مش زى بعضها. ده غير انك مش داخل تتفرج عشان البطل بس. البطل هو جزء من القصة فى النهاية لازم ميكونش مثالى و الا القصة متكونش واقعية.
3. القصة اخدت منحنيات غريبة عن الطبيعى اللى ممكن نكون متعودين عليه فى الانمى الرومانسى, و عدت اوقات كنت بتسائل عن اللى فى دماغ الكاتب, 

لكن بعد ما اتفرجت على القصة , فهمت سبب كره الناس للأنمى. و فهمت اكثر عن المقصود منه ,
الحب و الرومانسية قرار فى النهاية, لازم يتاخد بشكل حازم.
الشخصيات فى القصة  , أغلبهم ما لم يكن كلهم , مشاعرهم متضطربة . كونك بتحب شخص عشان بيفكرك بحد بتحبه معناه ان انت محبتهوش فعلا. و كونك بتحب شخص عشان حبيت فيه صفات معينة "اخدتك على حين غرة" + هروب من مواجهة مشاعرك الحقيقية لسبب أو لاخر + ظروف عند الشخص ده خليتك تتعاطف معاه ,فحبيته كله بالمرة معناها برضه انك محبتهوش فعلا.

و كونك متضايق ان حد بيسيب اللى بيحبه و يمسك فى التانى , اولا طالما هو سابه يبقى مكانش بيحبه فعلا, ثانيا طالما لا يوجد زواج , لا يوجد ما يعيب ذلك أفضل من أن يبنوا حياتهم على مشاعر هشة و يكون من الافضل انهم اكتشفوا هذا من البداية.

بالاضافة ان طالما  انت عايش لا مفر من انك تؤذى الاخرين بدون قصد منك. لأن لا أحد يستطيع مراعاة شعور الجميع طوال الوقت. و لهذا السبب و اسباب اخرى لا يوجد فى القصة شخص شرير , لكن سوء الفهم بيجعلك ترى الشر فى الذى أمامك حتى لو كان السبب غير ذلك.

+ كان ممكن انى أزود على كده لأنى لم اتحدث عن كل الشخصيات لكن أرى انه لا داعى. أتمنى أكون وضحت بعض من وجهة نظرى. و احترم رأيك أيضا ان كنت مخالفا لما قلته. و الحكم فى النهاية للمشاهد لأن لكل شخص رأيه.

شكرا لكل من قرأ كلامى.

ليه؟